२६ भाद्र, नेपालगन्ज । जिल्ला प्रहरी कार्यालय, बाँके मातहत रहेको प्रहरी चौकी खडैचा, बाँकेका इन्चार्ज प्रहरी सहायक निरीक्षक (असई) कुलबहादुर बि.क. पुरस्कृत भएका छन् ।
उनको उत्कृष्ट कार्यसम्पादन, कर्तव्यनिष्ठता तथा प्रहरी सेवामा पु¥याएको योगदानको उच्च मूल्याङ्कन गर्दै नगद सहित पुरस्कृत गरिएको हो ।
प्रहरी सेवामा आफ्नो जिम्मेवारीप्रति इमानदार, अनुशासित र कर्तव्यनिष्ठ भएर काम गर्ने प्रहरी कर्मचारीको योगदानको कदर गर्दै प्रदान गरिएको यस प्रकारको पुरस्कारले अन्य प्रहरी कर्मचारीलाई समेत थप उत्साह र प्रेरणा प्रदान गर्ने अपेक्षा गरिएको छ ।
यसबीच शुक्रवार प्रहरी चौकी खडैचाको प्राङ्गणमा वृक्षारोपण गरिएको
छ । वातावरण संरक्षण, हरियाली प्रवद्र्धन तथा प्रहरी कार्यालय परिसरलाई स्वच्छ र हराभरा बनाउने उद्देश्यले विभिन्न प्रजातिका बिरुवा रोपिएको प्रहरी चौकी खडैचा, बाँकेका इन्चार्ज प्रहरी सहायक निरीक्षक (असई) कुलबहादुर बि.क.ले जानकारी गराएका छन् ।
प्रहरी चौकी परिसरमा गरिएको वृक्षारोपणले वातावरणीय संरक्षणसँगै प्रहरी कार्यालयमा आउने सेवाग्राहीका लागि समेत स्वच्छ, हरियाली र सकारात्मक वातावरण निर्माण गर्न सहयोग पुग्ने विश्वास गरिएको छ ।
प्रहरी सहायक निरीक्षक (असई) कुलबहादुर बि.क.ले प्रहरी चौकी खडैचाको कमान्ड सम्हालेदेखि सो क्षेत्रको शान्ति सुरक्षाका कायम गर्नका साथ त्यहाँ रचनात्मक कार्य गर्दै आएका छन् ।
